A boayrischa Wunschzettel

I wünsch ma mei Ruah und jeden Dog an Schnaps
dazua a Busserl vom mein Schatz
i mecht in de Taschen allerweil a Geld
und an Frieden auf dera Welt


I mecht no recht lang g‘sund und munter bleim
und nach sechs Wiesnmaß net allaweil speim
I wünsch‘ ma dass des Bier net no deira werd
es is eh‘ deia gnuah, da war’s wirklich gschert


I mecht beim McDonald an Leberkas essen
denn Hamburger hob i doch wirklich gnuah gfressn
I mecht gern regiert wern von der CSU
der beste Kanzler, Horstl warst Du


Drum bitte liabs Christkind kümmer Du Dich darum
mia Bayern alloa, sann doch dafür zu dumm
dann ändert sich gar nix und ois bleibt wias war
im weißblauen Bayern no die nächsten hundert Jahr


Holladiria, holladiro, holladiria, holladiro ….


© 2014 Der Liederpoet

Kommentar schreiben

Kommentare: 0